1. ماذا تعني لك كلمة غزة
والله لو حكي غير الكل يقول عبدالله بيبالغ كثير غزة هي البطولة والتضحيه والحب والكرامة و العادات والقيم المحترمة
اقسم بالله من كثر ما سافرت انك بترفع رائسك لما بتقول انا من قطاع غزة الله يديمك لنا يا غزة هاشم منبع الابطال والمتفوقين
2. ما أجمل موقف مر معك في غزة
والله لحظة خروج الاسري الى هم اكرم من جميعا الى ضحوه في حياتهم وسنين عمره وزهرة شبابهم لما الشعب كله خرج يستقبلهم بايد وحده وكمان لما المبعدين الى غزة من الضفة والقدس الكل استقبلهم مثل انهم بين اهلهم وكثر اشى بفرح وعمره الانسان ما بنسي هذا اليوم
3. ما أكثر موقف حزنك في غزة
القتائل بين الاخوه من حماس وفتح يا عالم كلنا اخوه الكل يفكر في اشى وغير بعد هيك الكل يصمت وما يسامح نفسه ولكم اليهود لما بترمي صاروخ ع الشعب ما بتفرق بين هذا فتح ولا حماس بدهم يقتلوه الفلسطيني يجيب علينانغلب روح الاخويه بين يارب ونكون ايد وحدة ضد اليهود يا عالم اليهود بدهم يهدمو باب الأسباط في الاقصى
4. هل تحب أن تغادر غزة وما هي البلد التي تحب أن تذهب إليها
طبعا لا انا انسان بسافر كثير وعارف كيف الغربة صعبة والله بغيب في الايام بفكرهم سنين والله البلد عن افضل من جميع بلاد العالم الله يصلح عقول الشباب الى بتفكر انها تسافر بفكره انه غير يكون حياته افضل ما بفكر انه غير يكون غريب وعمره ما برتاح في في بلده وبيته وان شاء الله كل الشباب تتوظف عشان ما احد يفكر في السفر يارب
5. معك وردتين لمين تهديهم بس بشرط يكونوا في غزة
اول وحده الى امي الحبيبة والى اغلي من عيوني وروحي
وتاني وحده الى شعب غزة البطل من شهداء واسري وكل عموم شعب غزة الاصيل الى في لحظة الشد بين معدنه وكرمهم في الوقف جنب بعض في الافراح والاحزان
6.أكثر أكلة شعبية في غزة بتحبها
اكيد اول وحدة المندي بحبها كثير وهي شعبية وافضل منها اكله لو اقول اسمها غير الكل يقولى ايه هذه
اسمها القرصة او فتة العجر والله بحبها كثير لانها بتجمع الناس مع بعضهم ولانه اقل اشى لازم يكون موجود يوم هذه الاكلة كثر من 15 وحد بعرف الكل غير يسائل ايه هي بلاش اقولكم يوم بعملها الكم والكل بقولى اشى روعه بس ما بتنعمل غير في الصيف
7. أكثر مكان بتحب تزوره في غزة
مطعم اكواخ البحر وافضل منه الجبل قمة الروعه ورومانسيه وانت قاعد فوق الجبل وخلفك البحر ورفح المصرية وكل رفح الفلسطينة وكل خانيونس اشى روعه وبنصحكم تسائلوووو قااااهر واحمد وميدوووووو وروؤف عن هذا المكان غير تقول في اشياء في غزة مثل هيك وما بعرفها
8. كلمة توجهها للإحتلال والبلاد العربية التي تساهم في حصار غزة
وحسبنا الله ونعم الوكيل عليهم
9. صورة تهديها لغزة
[ندعوك للتسجيل في المنتدى أو التعريف بنفسك لمعاينة هذا الرابط]
10.كلمة صغيرة تهديها لغزة (قصيدة ,خاطرة ,دعاء)
غزة
هذي غزة ارض العزة
فيها الشجر وفيها الحجر عاش بعزة
فيها الشب وفيها العاجز مات بعزة
فيها البنت وفيها الطفل بات برعبة
هذي غزة .........كانت غزة تنام بسلام ...
صارت غزة في الاحلام...
راح الشجر ... وراح الحجر ... راح الشب وراح العاجز
ماتت غزة ....
هذي غزةغزة تقاوم .... لا ماتساوم ....احنا نكابر والله ياغزة....
مين يقاوم ...كيف نقاوم ... وين نقاوم ..
زنانة بتكشف ..
عملا بتعرف ...
اباتشي واف16 بتقصف ..
دبابة وجرافة بتجرف ...
ودم اطفال غزة بينزف ...
هذي غزة...راحت دور ...
بنت قبور ...
وكل ارضك صارت بور ..والله ياغزة
كل العالم شاف غزة ...
كل العالم ناصر غزة ...
كل العالم صاح وقال ...سقطت غزة ..
احنا في غزة لا ما سقطنا ......
احنا في غزة والله صبرنا ........
احنا في غزة جعنا وقلنا .....
بنموت وبتحيي يا غزة ....
بنموت وبتحيي يا غزة
هذي غزة ....فيها البيت راح ادمر ...
فيها الام قلبها اتحسر ....
فيها الطفل صاح وكبر ...
الله يحميكي ياغزة ....
هذي غزة .....صاحت نادت وين الامة تصون العزة ....
قامت أمة ...
نامت أمة ....
وسابت أطفالك يا غزة .. تعيش بظلمة ...
هذي غزة ...كل شي بغزة فيها راح ....
وصارت مدينة أشباح ...
ما بتسمع غير صوت سلاح ...
سلاح بيضوي ...
اسعاف بيدوي ....
والشهداء فوق الالاف ......
هذي غزة ....كل حاكم فيها تاجر ....
حتى الطير هج وهاجر .....
سابوا غزة هربو وشردوا...
والجيش ارتكب المجازر ...
هذي غزة ....صار الموت فيها عادي .....
اسطورة للعدو النازي ......
اقصف .. اقتل .... دمر ..... خرب ....
واشفي صدور هاالاعادي ....
هذي غزة ..........قطعوا الكهرب وقطعو المي .......
وسابو الشهدا بكل حي ........
فيها الطفل عاش اتشرد .....
بدون مأوى وبدون بي ........
هذي غزة .....كنا بغزة بنبني احلام ....
نحلم لنعيش بسلام ....
فجأة صحينا ...
قمنا اجرينا ....
لقينا غزة في الاوهام .....
هذي غزة .........كل شي بغزة فيها اتقلص ......
حتى العمر نفذ وخلص ....
هدموا قصورك .....
دكوا حصونك .....
والمتخبي بجحروا ظل .....
هذي غزة .........يمكن بكرة يصير حل .....
والمتخبي بيظهر ويطل ....
بيحمل راية ...
بيروي رواية ....
والشعب بيهتف للكل ....
هذي غزة.........احنا بغزة بين الموت ......
ما بنعرف نطلع ونفوت ......
يمكن نطلع ...
ومش حنرجع .....
وبيستنانا شبح الموت ..........
هذي غزة ..........فيها الطفل كبر بليله .....
والشب شاب بليله .....
واليتيم بدون عيلة ....
تحميه من هالبرد .........
هذي غزة .....كل العالم طلع أتظاهر ....
مافي واحد منهم كابر .....
رفعوا علمنا .....
حملوا رايتنا ....
بشعار الله عالظالم ......
هذي غزة .......كل العرب حلف أتوعد.....
وأكثر شي هدد وندد.....
وما في واحد منهم صعد ....
لانو العربي ما بيتوحد.....
هذي غزة ..........صغير غزة صار كبير ....
والكبير متخبي في بير ....
وماظل فيها والله أمير ......
ولاواحد بيستجري يبين .......
هذي غزة .........ما بيختلف نهار وليل .....
كلنا في غزة ذقنا الويل ......
والظالم ياويله ويل .....
من الله رب الكل ......
هذي غزة ......أحنا بغزة برقبة مين .؟؟؟؟
شو بيستنوا صلاح الدين ؟؟؟؟
ولا حجارة من سجين ؟؟؟؟
تنزل على راس المحتل ....
هذي غزة ...كبار غزة هجوا ورحلوا ....
اكلوا وشربوا ونهبوا وسرقوا ....
والي ظلوا بنفق اتخبوا ....
وبنستنى منهم يحكواااا؟؟؟؟؟؟
هذي غزة.....لكبار احنا اعرفناهم .....
والي برة الله يمحاهم ....
دمروا غزة ...
وباعوا ترابا ...
وسابوا اهلها تعيش بغابه ....
وتقولوا الله يحماهم ..؟؟؟؟
هذي غزة ....كل شي بغزة صار مسيس ....
بدك تحيا روح تحيز ....
مابدنا فتح ولا حماس ....
ولا بدنا جبهه ولا جهاد ...
والله زهقنا ....
والله قرفنا ....
والله بدنا نعيش يا ناس ....
هذي غزة ......صارت غزة سوق سودة ...
بدك شغلة بتبعت سوقة ....
حتى العيشة صارت سودة ....
بأسوارك والله ياغزة ....
هذي غزة .....شافت غزة أعنف حرب ....
على كرسي والله مالو جنب ...
راحو فيها ناس كثيرة ....
والله ما الهم ولاذنب ....
هذي غزة ....يلا اتحدوا شدو الهمه ....
على الله تزول هالغمة ....
وترجع بيناتنا اللحمة ....
ونحيا بوطن مالو هم ....
هذي غزة .....والله يا عالم احنا غلابه .....
ما بدنا نعيش بهالغابه .....
ولا بدنا أسود ولا ذيابه ....
تنهش فينا من كل جنب .....
هذي غزة ....أحنا بغزة بدنا سنين ....
لتشفى جراح الغاليين ....
الي استشهد ....
والي اتقطع .....
والي بيقضي عمروا أنين ......
هذي غزة ....احنا بغزة بكل حارة ....
بتيجي علينا كل يوم غارة ...
والعالم بلبس نظارة .....
وما في عندو غير يا خسارة ......
هذي غزة .........يرحم روحك يا ختيار .....
ما بتقبل ذل ولا عار .....
بصمودك كبروا الثوار .....
يا غالي يا أبو عمار .......
هذي غزة .....اخر كلمة بدي اقولها ....
والعالم كلوا لازم يقولها ......
يرحم شهدائك ياغزة ....
يشفي جرحاكي ياغزة .....
يحرر أسراكي يا غزة .....
الله ...
الله...
الله يحماكي يا غزة .........