موضوع: الفرق بين الزوجة الفلسطينية والسورية

[color=cyan]

[b]الفرق بين الزوجة الفلسطينية والسورية ؟؟؟؟؟ وشو آ رائكم بهذا الحكى ,,,,,


*******************


إذا وقع زوجها عن الدرج :


السورية: ولي على آمتي، سلامتك حبيبي أنشاء الله أنا ولا انتا ابن عمي


الفلسطينية : شو مالك دخت؟ الله ما برمي الناس بحجار خطيتى الله لا يردك


***************


إذا الزوج بدو يسافر:


السورية : انتبه لنفسك ابن عمي، جهزتلك الشنطة، كتّر خيرك على الأغراض اللي اشتريتها، بيكفوا سنة الله لا يحرمنا من دخلتك علينا، أولي على آمتي، تروح وترجع بألف سلامي.


الفلسطينية : أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه؟ مش تتطلع عالبنات!! إحلف إنك مش رايح تروح على أماكن فيها بنات! ما تتأخر بلاش ينقصنا إشي وأنت مسافر. وكل يوم بتتصل بالتلفون عشان تشوف وينك وتحكيلك إنه الولد سخن، وبنتك بدها تموت، كل المصايب بتقلك إياها بتلاحقك فيها وين ما تروح



***************



إذا الزوج تأخر بره في شغل أو مع صديق :


السورية : شو إبن عمي! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مرة تانية عشان بشتائلك أنا. (يؤبرني دلع الشام).


الفلسطينية : شرّفت!! وين كاين؟ مهو أنا كاينه حيوانه في الدار، طول نهاري أكنس وأمسح!! مع مين من أصحابك الهمل كاين تتصرمح؟ إيش جبتلنا معاك؟ وللا جاي إيد قدام وإيد ورا، كويس عرفت إلك دار وروحت (لا تعليق)


***************



إذا طلبت شى منه:


السورية : إبن عمـــــي تؤبشني تؤبر ألبي (كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا يا حياتي.


الفلسطينية : إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف



***************


إذا جابلها هدية:


السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لا يحرمني منك يا عمري.


الفلسطينية : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن



***************


إذا بدك شي منها:


السورية : من عيونى ابن عمى تؤبرنى بتؤمر أمر ابن عمى ولووو غالي والطلب رخيص، شو بعبد سماك أنا دخيلو أنا شو بحبووو على راسي حبيب ألبي.


الفلسطينية : مهو حرام نستريح شوي، لازم حياتي تظل تعب ونكد، هو فش غيرك في الدار!؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف .


***************



لو طلبت منها فنجان قهوة:


السورية : من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في أغلا منك حبيب ألبي (تخيل فنجان القهوة بس).


الفلسطينية : بدك قهوة؟ هي إخوانك مرميين في الحوش روح اشرب معهم، وللا أقلك روح عندك امك بتعملك، أترك شغلي وأعملك قهوة؟؟ هادا اللي ناقص، ياااا رب موتني وخلصني من هالعيشة اللي بتقرف


***************


إذا حكالها (بدك شي؟ وهو طالع:


السورية: تسلملي حبيب ألبي ابن عمى، ما بدي غير سلامتك مكفينى من كل شى مو ناقصنى شى تسلملي ياحءءءء بس حبيب ألبى ما تتأخر كثير بشتائلك أنا ابن عمي، بدك أعملك شى لمن ترجع؟ ( بتكون غبي لو طلعت وتركتها).


الفلسطينية : لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟! انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي .



***************


الذوق والتنويع في الأكل:


السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ما عندها بقدونس راح تعملك تبولة هههه هههههه بيكفي إنها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وم ا عملته؟ صحتين على ألبك ابن عمي .


الفلسطينية: لو عندها كل أنواع الخضار، والثلاجة مليانة أغراض ولحمه وسمك، هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا إذا كنت محظوظ و ما حكتلك فش بندوره وخيار روح اشتري، أو خلص الغاز في نص الطبخة، روح جيب غاز إذا بدك توكل .
طبعا بوزها عالسفرة شبرين، وبتبلش ضرب بالولد عشان كب الصحن، وحديثها بيكون كالتالي: اليوم إجت فواتير الكهربا والميه، متى بدك تدفعهم؟ اليوم انكسرت إيد الحنفية وأنا بجلي، روح جيب المواسرجي! يصلحها بس تخلص أكل، إبنك بدو خمسين شيكل يشتري كندره .


وأهم أشي: بس تخلّص أكل ودّيني عند أهلي، طلعت روحي طول اليوم في المطبخ (يعني عاملة الغنايم ماشاءالله... خليها تروح يمكن تنفتح نفسك وتاكل زي الخلق).



مع احترامي لكل ست فلسطينيه


قاااااااااهر الملكاااااااااات
محمووووووووود
[/color]

ههههههههههههههههه

فشرت كل الزوجات جنب الفلسطينية



الفلسطينية

ربت اجيال وقدمتهم للموت

عرفت كيف تربي وتضحي لاجل الدين والوطن


راحت برجلها للموت وما هابت



اقسمت لتدافع عن الوطن وما قصرت



يسلموااااااااا

الفلسطينية و بس

صح


...

بعدك ازنك حبيبي

انا ماقريت الموضوع

بس من عنوانه فهمته

وجوابى فلسطينية لو ضامت عليك الايام

فلتحيا الفلسطينية

الفلسطينيات ما شاء الله عليهن اسم الله حولهن وحواليهن
المتل بحكى من طين بلادك لطخ ع خدادك
هههههههههههههه
يسسسسسسسلمو قاهر

فليحيي العدل

فلسطينة وبس

يسلموو اديكم يا حلوين

ويعطيكم الف عافية

ونورتوو ملتقاكم

تحياتي قااهر الملكاات
محموووووووود

يعطيكم الف عافية

ويسلمو اديكم الحلوين علي الطرح الرائع

مع تحياتي المشااااااغبة

موفقين

يسلموووووووووووووووو



تحياتي للجميع


قاهر الملكاااااااااات

ههههههههههههههههههههههههههههههه


اكيد مافى افضل من الفلسطينية لانها فعلا الظروف يلى نستها هادا الشى يلى بيعملوه اصحاب العقول الخالية من الهموم

تحياااااااااااااااتى

موضوع في قمة الخيااال
طرحت فابدعت
دمت ودام عطائك
ودائما بأنتظار جديدك الشيق

لك خالص حبي وأشواقي


لح ـن آلصمت

يعطيك الف عافية ويسلمو

ع الابداع والطرح الرائع



تحياتي قاااااهر الملكاااااااات